Undekha--Nominations Ke Asli Reasons- Dard Bhara Episode

BIG BOSS (Voice over): Yahaan nominations ki prakriya chal rahi hai aur Baari baari se Big Boss ke ghar ke sabhi sadasya, 2 aise sadasyon ke naam nominate kar rahe hain, jinhein wo ghar mein naheen dekhna chaahte.

Contestants are shown inside the Confession room, one by one & their full confessions (never shown fully in episodes), are fully recorded!



ELLI: Big Boss, mein Andy ko bhagaana chaati hoon, kyunki, ---wo bara ganda aadmi hai. Dirty man!--------Aur mein Ratan ko bhagaana chaati hoon, because"wo cow dung ka jaisa smell karti hai----I mean after that Scientist-Guinea Pigs task"Gauhar ka jaisa ho gayi hai, yeah...oops, sorry,------ Gobar ka jaisa ho gayi hai, I mean!   



ANDY: Awww, Big Boss main Kushal ko nominate karna chahta hoon kyunki wo cheap-cheap-cheap-cheap super cheap harkats karta hai -----aur poora attention sirf Gauhar ko deta hai, -------------aur Gauhar ko nominate karta hoon, kyunki wo Kushal ki cheap-cheap-cheap-cheap super cheap harkats  ki wazah se uska poora attention le leyti hai--------nothing is left for others, you know what I mean, na? Awww! Thank you Big Boss.  



ARMAAN: Big Boss main chaahta hoon ki Sangram is ghar mein naa rahe. ------Munh pe bhai bhai bolta hai, -----Double Dholki------peeth mein chhura ghonpta hai. Apan ka aisa nature naheen hai Sir!----------Doosra main Kushal ko nominate karta hoon. Same reason Big Boss. -----Bhai shabd ke maayne bhool gaye hain ye (Beep), tameez hi naheen hai dono mein bilkul---(Beep-beep)!

KUSHAL: Kamya Big Boss. -------Reason, Gauhar ke against game khelti rehti hai.  
 --------Gauhar ne khud bataya mujhe otherwise I would never have believed it!----------- Aur mera doosra naam hoga Asif Big Boss. Parson subah subah Gym mein Body dikha raha thha Big Boss aur Gauhar usko ghoor ghoor ke dekh rahi thhi. ---------Zaahir hai mujhe accha naheen laga. ------Sabko maaloom hai Gauhar bahut bholi-bhaali hai. And mujhe laga wo Gauhar ko attract karne ki koshish kar raha hai Big Boss. Confirm naheen hai, but strong doubt hai Big Boss.  



GAUHAR: Big Boss Main Armaan ko ghar se baahar bhejna chaahti hoon.---- Bahut dominating hain aur ek ghar main ek hi dominating person rehna chaahiye.--------- Khud ko nikaal nahin sakti, isliye Armaan. ------------Meri doosri candidate hongi Kamya.  Reason? Well, jab bhi main koi bhi jhoot bolti hoon, toh sirf Kamya hai jo mujhe mere munh pe Jhoota kehti hain. --------Isliye Kamya!



ANITA ADVANI (Long blank stare into nothingness): ...Big Boss kehte hue accha toh naheen lag raha hai, magar Armaan. -----Kaaran ye hai ki---(long sad pause)---...Well, kuchh baatein bataayi naheen jaati. ----Bas ek kabhi naa bharne waala naasoor ban ke, ----jigar mein ek sulagti hui beedi ki tarah, bas jalan deti rehti hain Big Boss! ----------------Doosri contestant jinhein main ghar se baahar dekhna chaahti hoon, wo hain Shilpa! Kaaran wohi puraana hai!-----Kuchh baaton ko dil mein hi dafan rehne dena chaahiye----raakh ko kuredenge toh chingaariyaan niklengi, -----sholey bhadkenge-----afsaana ban jaayega, chaman mein aag lag jaayegi  Big Boss!  



KAMYA PUNJABI: Big Boss main chaahti hoon ki Gauhar ko fauran ghar se nikaala jaaye. ------------Ek number ki jhooti hain wo aur frankly, pak gayi hoon main unki naqli Prem kahaani dekh dekh ke! Aise bhi kaheen pyaar hota hai? ------------Ye toh aise behave kar rahe hain jaise yaheen pe shaadi karenge, bacche paida karenge, unko school college bhi yaheen se bhejenge.------- Hunhh! -----------Gauhar ke saath, main Kushal ko bhi baahar bhejna chaahungi. -----Reason ye ki, in dono ko is ghar ki chaar-deewari se baahar, ek pyaar bhari duniya basane ke liye free kar dena chaahiye! Thanks.

PRATYUSHA: Kinhi do sadasyon ko ghar se baahar nikaalne ke liye nominate karna hai Big Boss?------Kamya ne kisko nominate kiya Big Boss?----Ohh! Aap naheen batayenge na?------Aaan----ufff----oh yeah! Yaad aaya! Bataya toh thha Kamya ne mujhe! ----------------------- Big Boss main chaahti hoon ki Gauhar ko fauran ghar se nikaala jaaye. ------------Ek number ki jhooti hain wo aur frankly, pak gayi hoon main unki naqli Prem kahaani dekh dekh ke! Aise bhi kaheen pyaar hota hai? ------------Ye toh aise behave kar rahe hain jaise yaheen pe shaadi karenge, bacche paida karenge, unko school college bhi yaheen se bhejenge.------- Hunhh! -----------Gauhar ke saath, main Kushal ko bhi baahar bhejna chaahungi. -----Reason ye ki, in dono ko is ghar ki chaar-deewari se baahar, ek pyaar bhari duniya basane ke liye free kar dena chaahiye! Thanks.



RATAN: Big Boss humari pehli nomination hogi Elli ke liye.  Kaaran ye hai ki picchle kucch dino se hamein dekhte hi munh banaati hain aur apni naak, apne haath se apni naak band kar leti hain. -----------Arey? Hum Gobar hain kya?----Humaara doosra nomination hoga Shilpa Ji ka. Kaaran? Kal humaara daal waala magga,  wo au aise jameen pe rakh ke bulaayi humko,----jaisa hum koi kutta-billi hon Big Boss.   



TANISHA: ---Ufff! Ye toh badi problem hai Big Boss. Kyun aisi difficult difficult situation mein daalte hain aap? (keeps rolling her eyes here and there as if nominating any two would land her in Tihar Jail of Delhi).----Hey Bhagwaan---Kiska naam loon?  ---(Starts over acting)------Haaye----Ufff!---Apna naam le sakti hoon kya?---Haan? -Naheen?------Hmmm in that case with a heavy heart I have to say------Anita Ji. Reason, kabhi kabhi badi udaas rehti hain wo---shaayad baahar jaana chaahti hain----(Remembers Anita might see the footage once out of house and hurriedly adds)--------Sorry Anita Ji, nothing personal haan? I sincerely pray my reason to nominate you is right haan?----------------Aur Big Boss mera doosra naam hoga Sangram.----Reason, bahut acche Insaan hain, ------bahut hansaate hain aur Payal must be missing him, aur wo bhi Payal ko bahut miss kar rahe hain shaayad.------------------(Adds)----Ufff! Kyun itni mushquil situation mein daalte ho aap??  


 
SANGRAM SINGH: Kya bollun Big Bose Ji? ----------Sabhi mujhko apne se jyaadda acche lagte hain ji yahaan!----Jubaan katt jaaye meri jo kisi ka galt naam le loon Ji. --------Magar, kisi ka toh lenna hi hai naa!----Bhagwaan aise dharam-sankatt mein kissi ko naa dale kabhi bhi!------Mera ek naam Kamya hai Ji. Thodi ghamandi kisam ki hain, -----attichood theek naa hai ji inka.----Mera doosra naam Pratyusaa hoga Ji. Kaaran ye hai ki ye Kamya Punjabbi ki  baawdi poonchh ki tarah behabe karti hain ji. ----Kamya Kisi Ganje ko bhi Chaand Bollegi toh ye Ganje ka Sir dekh ke karvachauthh ka Vratt tod legi Ji apna------- 



APURVA (Straight face): Big Boss mera pehla naam hoga Kamya Punjabi ka. ------Main samajh chukka hoon ki ye samajh chuki hain ki inka asli muquabla Meri patni, Shilpa se hai. -------Aur ek patni-vrata Pati ki haisiyat se mera farz hai ki Main apni patni ki raah ka har roda poori tarah se hata doon. Aur ofcourse mera doosra naam hai Pratyusha Bannerji ka. ---------Kaaran, wohi same hai Big Boss...(Maintains a straight face through out, not a hint whether he said all this on his own or as advised by Shilpa)! 



SHILPA: Big Boss sabhi mujhe is ghar main Chacha Chaudhary kehte hain aur Chacha Chaudhary ka dimaag, Computer se bhi tez chalta hai. ------Armaan ko main apna Sabu bana loongi. ---------Is waqt mere do naam honge Kamya Punjabi, jinse mera muqable hai is game mein. Aur doosra naam hoga Gauhar ka-----(A brief pause and she comes up with those wide eyed sickening expressions and raises voice pitch)------- KONNSTTTANTTTLY  negativity failaati hain ghar mein KONNSTTTANTTTLY! KONNSTTTANTTTLY sabke dimaag ka dahi kar deti hain apne romance aur non stop bak-bak se. ---------Mujhe bak-bak karne ka mauka hi naheen deti ek-dum. Kamya aur Gauhar Big Boss. 



ASIF: Kya bolega hom?--- Keesko baahar neekaalega? ---------Shobh  jon aachha hai ish ghor mein!------- Shob hi log aachha hai bohoot! -----Frankly bolega, shobhi log ka saath moolaa-kaat aachha laaga homko!-----Hmmm! Naam lena zoruri hai shaayad!  Mojboori hai na? ----OK!--------------Homara faast name hoga Onita  Aadbaani Ji. Re-zone? ---------Eldaarly lady hai, kobhi kobhi bohut udaas ho jaata hai!---Baahir ka Howa khaayega toh bey-taaar feel korega shaayad!---------------------Doosra naam hom lega Shongraaam Seeeng ka. -------Saala Heendi se hi hom poseena-poseena hota hoon, ----ye toh aaaltimate fellow hai! ---------Heendi mein bhi Horiyaana ka poora Ekk-Saint ghoosaata hai aur bheeshon-bheeshon waaards ka yuzz korta hai! ---Onita Aadbaani aur Shongraaam Seeng Beeg Boss! ---------Ek dom FAAINAL!---LOCK KEEJIYE!

BIG BOSS: Nominations ki prakriya, ab sampann ho chuki hai! (Pause)-----Paanch Vote paakar Kamya, Chaar-chaar vote paakar Gauhar aur Kushal, aur teen-teen vote paakar Sangram aur Armaan nominate hue hain!
*****************************************************************
PICS of Nominated ones & Vote Appeal starts:

Agar aap Armaan Naag ko bachana chaahte hain, toh type keejiye NAA or bhej deejiye 420-420 Pe!

Agar aap Jhooti Gauhar ko bachana chaahte hain, toh type keejiye JHO aur bhej deejiye 420-420 Pe!

Agar aap Bandar Kushal ko bachana chaahte hain toh type keejiye BAN aur bhej deejiye 420-420 Pe!

Agar aap Vamp Kamya ko bachana chaahte hain, toh type keejiye VAM aur bhej deejiye 420-420 Pe!

Agar aap Chaalu Sangram ko bachana chaahte hain toh type keejiye CHA aur bhej deejiye 420-420 Pe!

Jhelte Rahiye Ye Manhoos Programme----Big Baas!