Saturday 27 September 2014

Bigg Boss-8, When Puneet Issar & Praneet Bhatt got drunk!

BIGG BOSS RAAT 11.45 BAJE

BIGG BOSS (VOICE OVER): Bigg Boss ke store room mein---- set nirmaan karne waale karm-chaari, galti se apni Do Old Monk sharaab ki bottles chhod gaye thhe. ----------------------Yahaan ghar ke aangan ke kone mein baithe hain Puneet Issar aur Praneet Bhatt---------------- aur dono hi sharaab ke nashe mein dhutt ho chuke hain ------------aur apne- apne prasiddh kirdaaron ki aatmaayein,-------------in ke andar pravesh kar chuki hain!

PRANEET BHATT (Shakuni): Bhaanje!-------- Paristhitiyaan manushya ko vivash kar deti hain-------- aur ye Hastinapur ka durbhaagya hai---------- ki aaj Hastinapur ka Yuvraj Duryodhan,------ Bigg Boss ke is is chhote se ghar mein---------- apna sthhaan, Vijeta ka samman ---praapt karnee ke liye sangharsh kar raha hai-----Dead

PUNEET  ISSAR (Duryodhan----in his Phata Hua Baans Voice): Main kuchh samjha naheen Mama Shri--------------------------Main ye Bigg Boss Season-8, Lagegi sabki Waat---------------jeet toh jaunga naa Mama Shri? Shocked-----------------Ek karod ki Puraskaar raashi----- mujhe hi praapt hogi naa Mama Shri? Geek

PRANEET BHATT: Wink Mere bacche---------------Apna pehla, uthha hua kadam Prithvi par rakhne se pehle---------tum peeche waala----doosra kadam kyun uthaa lete ho? Disapprove-------Aundhe munh------Aundhe munh gir jaoge mere Bacche-------Ouch

PUNEET ISSAR (Hoarser now): Paheliyaan naa bujhaayiye Mama Shri---------------Spasht shabdon mein kahiye-----Ouch

PRANEET BHATT (Left eye completely shut): Spasht baat ye hai mere bacche, ki agar nirantar Paaglon ki bhaanti daudne se hi Laxmi milti,---------- toh Vishwa ka har Kutta Laxmi-Pati hota----Arab-Pati hota!------------Laxmi ko paane ke liye kewal parishram naheen,---- Buddhi chaahiye, Yukti chaahiye, Yojana chaahiye, mere bacche?




PUNEET ISSAR (Puzzled looks): Buddhi? Yukti??  Yojna??---------- Parantu is baar toh Bigg Boss mein Diandra, Tamanna aur Sonali hain naa Mama Shri?Shocked


PRANEET BHATT: Wink Sandeh hota hai-----------yada-kada sandeh hota hai mujhe-------- ki tum mere Bhaanje ho! -------Koi itna naadaan kaise ho sakta hai mere bacche? --------Bhaagya-------Bhaagya bhi apna kaarya karta hai Putra Duryodhan--------Kya tumne kabhi vichaar diya hai, ki Indraprastha Vishwa-Vidyalaya (Delhi University), ke har sansthaan (College),  mein Alia Bhatt se,----- kam se kam 300 adhik Roopwaan, Tejasvi aur Pratibha-vaan kanyaayein hain? LOL----------- Kabhi socha hai ki wo kyun naheen badi abhinetriyaan ban jaati?---------- Alia hi kyun? Wink

PUNEET ISSAR (Drunk voice through his torn diaphragm): Clap Adbhut! Adbhut Mama Shri!Big smile ---------Alia Bhatt jaisa bhaagya praapt karne ke liye, ----------mera taat-parya hai ki Bigg Boss Season 8 jeetne ke liye,--------- mujhe kya karna chaahiye Mama Shri?----------Kya Mahesh Bhatt mujhe apna Putra sveekar kar lenge Mama Shri? Shocked

PRANEET BHATT (Evil smile, Right eye shut this time): Cheer Haran---------------Cheer haran karna chaahiye Mere Bacche! ----------Hastinapur ki Rajya Sabha mein,--------- Paanchaali ke cheerharan ki laalsa vifal ho gayi------------aur tumhein-hamein is sansaar ko chhodna pada--------
------Jab tak manushya ki laalsa, ------uchit-ya anuchit,------ poorna naheen ho jaati,----- wo baar baar bhatakta hai, baar-baar janm leta hai is Mrityu-Lok par-------------Cheer Haran karo mere bacche, ---------Lokpriyta haasil karo, Bigg Boss ke Cameras ka dhyaan, swayam ki ore aakarshit karo-------------- aur Bigg Boss Season 8 ki, Vijay Shri ko praapt karo Mere bacche!


PUNEET ISSAR (Angrily):Angry Hunhhh! ...Hastinapur ki Rajya Sabha mein, Paanchaali ki Saari, 583 Meter ki ho gayi thhi Mama Shri! --------------------Kheenchte-kheenchte, mera  Priy Anuj Dushashan, thhak kar gir pada thha!-------------Kya mere itne ashubh din aa gaye hain ki mujhe Bigg Boss mein in chhoti-chhoti Nikkar waali kanyaon ke peeche daudna padega ab?------Hunhhh------------Asambhav!!!Angry

PRANEET BHATT (All knowing evil smile): Mere bacche-----------Moorkhon ki bhaanti pralaap mat karo?---------------Ye maine kab kaha ki kisi Kanya ka Cheer-haran karo?-----------Manushya ka swabhaav hai trutiyaan (Mistakes) karna,------------------- parantu Trutiyon se manushya seekh leta hai,------- trutiyaan dohraata naheen-------------Wink

PUNEET ISSAR (Confused looks): Arthaat??Shocked

PRANEET BHATT: Arthaat ye Mere bacche-----ki Paanchaali ke cheer haran ke prayatna ke kaaran, humein aur tumhein, apne-apne praan tyaagne pade thhe.Confused---------------- Isliye truti se seekho aur kisi kanya ka naheen, Purush ka cheer haran karo!Wink--------------- Is Bheem jaise Arya Babbar ka Cheer-haran karo------Us vichitra tarah se uccharan karne waale Upen Patel ka cheer haran karo------------





PUNEET ISSAR (Excited voice): Big smile Waah Mama Shri---Waah------------Shhh-----------Shhh-------lagta hai koi aa raha hai is taraf---------------------Main daboch leta hoon ise Mama Shri------------------Aap mukhya dwaar pe drishti banaaye rakhiye-------------------------Cool
PRANEET BHATT: Bhaanje---------------------ye toh Sushant Digvikar hai------------------chhod do ise-----------Geek
PUNEET ISSAR (Red eyes, angry as hell): Angry Chhod doon Mama Shri?-------------- Yahi toh hai jiske kaaran mujhe paraajay ka much dekhna pada thha!-------------------------Ye Manhoos agar Arjun ki dhal naa ban gaya hota, toh Paandavon ki kya majaal thhi ki Pitamah Bheeshm ko giraa dete? Shikhandeee... (Grabs Sushant by his neck and both crash to ground------) Evil Smile
PRANEET BHATT: Disapprove Chhod de Sushant ko-----Chhod de mere bacche!------------Hinsa ka aarop siddh ho gaya, ----toh bina khele hi Bigg Boss ke ghar se nishkaasit ho jaaoge------Jeeti hui baaji haar jaoge Putra Duryodhan--------Wacko
SUSHANT DIGVIKAR:  Mmm---------yeaahhh--------------mmm-----Tongue-----------Ohhh----Ouchhh--------Wacko----------that hurts, that hurts---------leave me----------leave me you beast--------Jaanwar kaheen ke-----!! Cry
PUNEET ISSAR (Roars in his Phata hua Baans Voice): Evil Smile Aaj naheen chhodunga tujhe! -----------Tere hi kaaran Kurukhshetra mein paraajay ka mukh dekhna pada thha mujhe Dusht---------------Angry
SUSHANT DIGWIKAR (Tears streaming down his face):Cry Aaa----Aaa-------------Main mar gaya------------------aaa-------------bachao---------------CryCry
Aarya Babbar, Upen Patel, Gautam Gulati come running from all directions and somehow help  a bruised and battered Sushant escape from the deadly vice like grip of Puneet Issar, who too collapses because of excessive alcohol effect!Wacko
BIGG BOSS:  Tongue Bigg Boss ke ghar mein, galti se rakhi hui sharaab ne --------------aaj aisa jalwa dikhaaya, ki kuchh palon ke liye aisa prateet hua---------maano  ek beeta hua Yug hi jaise waapas aa gaya! -------------Aane waale dinon mein kaise aage badhti hai ye Aaj ke yug ki Mahabharat,---------- ye toh philhaal, Bhavishya ke garbh mein hi chhupa hua hai!
JHELTE RAHIYE YE MANHOOS PROGRAMME...BIGG BAAS! DeadDeadDead


** Blog Link: 
(Fun topics on Big Boss, Bollywood, Cricket & Politics): 
***********************************************************

2 comments:

  1. hahahahahahahahahahahahahahahahahahahaha

    ReplyDelete
  2. Awesome Cruiser Ji. Continue more on Shakuni-Duryodhan dialogues. haha

    ReplyDelete