Ek Aashiq Ka Dard Bhara Prem-Patra! :((

 NOTE: This 'Letter' was written by Kushal Babu, when he was out of Bigg Boss House.......

Meri J-Jaan se pyaari Gg-Gau Babu,

Teri yaadon mein dd-dooba hua hoon, aur Ll-Lucknow ki Gg-Gali Badboodar, opposite Sasta Joota Bhandaar, UMRAO JAAN BAR mein baith ke tujh bin tadap raha hoon Bb-Babu!

Teri jj-judayi ke gham ko, zeher jaisi Sh-sharaab ke kadwe ghoonton se dubone ki kk-koshish kar raha hoon aur tujhe ye khat likh raha hoon Bb-Babu!

6 pp-peg pee chuka hoon aur s-s-suroor ka aalam ye hai ki, ll-ikhte hue bhi ladkhada raha hoon, -------th-theek waise, jj-jaise bolte hue haqlaata hoon!



Kk-kitna miss kar raha hoon tujhe Bb-Babu!---Ye mera deewaanapan hai? Ya mm-mohabbat ka ss-surroor Gau?

Kyun mujhe is naachti hui Moti Munni mein tu nazar aa rahi hai Gau?
Jab pehla glass piya thha, tab ye Moti Mm-Munni lag rahi thhi---6 glass ke baad Moti Ggau lag rahi hai, aur sh-shayad 3-4 aur glass peene ke baad exact Gau lagegi meri. ----Meri kh-khoobsoorat Gg-Gau!  




Main ye zeher ke ghoont piyunga Gau, tujhe nazron ke saamne laane ke liye, chaahe mujhe apna kaleja chhalni kyun naa karna pade! Jjj-Jala daaloonga apna jigar! I----I---lll-love you Gau!

Bb-bahut bura laga thha, jab mere kk-kaaran tune Bb-Bigg Boss ka ghar chhoda thha!

But Ss-sach kahoon, baahar aate hue bhi ek kk-khushi thhi ki kam se kam tujhe apni baahon mein loonga Gg-Gau! Aur bhi kitna kuchh socha thha! ------

---Bigg Boss ke Kk-kameeno ne 50 Lakh ke contract waale clause dikha ke, Hotel ke alag alag kamron mein daal diya humko, ----------aur har darwaaze ke aage 6-6 bouncers bitha diye!

Ye duniya itni zaalim kyun hai Babu?
Babu, tab tak peeta maine apne Hotel ke kamre ki deewaron ko, jab tak haath chhalni-chhalni nahin ho gaye mere!



Subah kk-kameeno ne darwaaza khola! Aur mujhe bataya tu waapas Big Boss ke ghar mein chali gayi Gau? Kyun Babu?

Kyun chali gayi tu mm-mujhe mere haal pe chhod kar?

Ek guard ne mujhe bb-bataya tujhe apni galti ka ehsaas ho gaya thha aur tu waapas chali gayi.

Galti Gau?

Apni mm-mohabbat ka saath dena gg-galti hota hai kya Babu?

Maine bhi toh sirf aur sirf teri wazah se us kameeney Andy ki garden dabochi thhi na Gau? Kyun chali gayi tu waapas Babu?

Ahhh! 8 glass pee chukka hoon Babu! Ab toh tu hi hai nazron ke saamne! Saakshaat saamne aa gayi hai tu Babu!



Naach----Naach Gau Naach! -----Apne Babu ke liye naach Babu!

Kitni meethi sunaayi de rahi hai teri aawaaz Babu,"Dil cheez kya hai aap meri, jaan leejiye----Bb-bas ek bb-baar mera kaha, Maan leejiye..."!

Aaah! Manoonga Babu, tera har kehna maanoonga! -----Bas naachti reh please. Gaana band mat karna bas. Aaahhh!



Shanivaar ka episode dekha Babu!

Salman Bhai ne poochha kaun mujhe ghar mein waapas dekhna chaahta hai? 

Accha laga dekh kar ki tu mujhe waapas dekhna chaahti hai. Salman Bhai ne bola ki Kushal agar apni galti ke liye Sorry bb-bolega toh wo waapas aa sakta hai!

Bol doonga Sorry Babu, tere liye Sorry bhi bol doonga. But waapas aate hi tu ek ishaara kar dena bas.

Kitchen knife se phaad doonga us Kameene Andy ko!
 
Teri lingerie ka mazaaq udaaya thha na kameene ne?

Apna kacchha uski naak pe rakh ke, dum ghont doonga us ghatiya insaan ka!



Gg-Gau! Babu pata naheen tu is aashiq ke dil ka dard samajh bhi rahi hai yaa naheen!

But ye zameen, ye table, samajh rahi hai mm-meri mohabbat, meri tadap!

Gg-gale laga lena chaahti hain ye mujhe----aagosh mein le lena chaahti hai ye mujhe Gg-gau Babu!-----Ye dd-dekh-ye dekh--arey---arey---Table oopar aa rahi hai ----- udte hue itni tezi se--------aaahhh----Crassshhh!