Tuesday 12 November 2013

Funopsis of Big Boss-Andey, Gudiya, Babu Episode!

SUBAH 8.00 BAJE

Housemates wake up to the beats of "Hud Hud Dabangg..Hud Hud Dabangg..."! 

Sangram has the usual rotten mango expressions as he tries to force open his eyes, while as always we see Andy and Gauhar energetically gyrating to energetic lines like," Mann balwaan lagey chattaan rahe maidaan mein aagey"!
Dancing
We see Kamya getting up from her badboodaar razaayee and briskly approaching Gauhar. She says something in her ears, Gauhar's smile instantly vanishes and with a sad expression and hung shoulders she goes back to her bed and enters her blanket once again.
Never has something like this happened in last 8 weeks and so a bit of pause and rewind is called for. Repeated rewinds and slow mo shots seem to make it a bit more clearer when one LIP READS Kamya. We think she said "SALMAAN SONG HAI, SALMAAAN SONG"!
__________________________________________________________
SUBAH 10.30 BAJE:

BIG BOSS (VOICE OVER): Yahaan Tanisha apne haath mein plate liye khadi hain aur Armaan ko naashta khilaane ki koshish kar rahi hain!

TANISHA: Ufffo Armaan Ji! Omelet khaa leejiye naa! Subah se kuchh naheen khaaya hai aapne!Day Dreaming

ARMAAN (Thunders): Angry NAHEEN KHAANA MUJHE! ----Jab meri marzi hogi khaunga, nahin hogi toh nahin khaunga! Aap meri jagatmata ban-ne ki koshish mat keejiye! Ek hi Jagatmaata kaafi hai is ghar mein!Angry

TANISHA: Uffo baba, main nahin ban rahi aap ki Jagat Mata! -----Usi ko rehne deejiye Jagat Mata aap. But Andey se kya dushmani hai aapki? Please khaa leejiye naa!Embarrassed  



ARMAAN: Dafa ho jao yahaan se! Angry

TANISHA: Armaan? That's not the way! Shocked----Aapko yaad hai, Vofafon Caller ka call? He said naa ki aap Tanisha ke saath needlessly misbehave karte hain?

ARMAAN:  Angry Vodafon Caller ki Maa Ki...@#$%^^&...Uski toh@#$^&**(( Angry

TANISHA: Hawww!

ARMAAN: Hawww, Hwaa, Tyaun-Toon, Tyaun Toon mat karo, DAFA HO JAO YAHAAN SE! Angry

BIG BOSS (Voice Over): Jab bhi ghar mein kinhi do logon ke beech koi bhi vaad-vivaad hota hai, toh aksar ye dekha gaya hai, ki Ajaz wahaan aas paas ghoomte nazar aate hain. Yahaan bhi, kuchh aisa hi maamla hai!

AJAZ KHAN:  O! Hello! Tanisha Ji! Ye aapko pareshaan kar raha hai kya? Main kuchh bolun? Evil Smile

TANISHA (Sternly):  AngryNaheen...Naheen! Ye hum dono ki aapas ki baat hai! Aap jaayiye yahaan se! GO AWAY! Angry

Ajaz scratches his head like a Naalayak Government Senior Secondary School student when confronted with solving a complex Algebra theorem and unable to crack it, walks away!

After a few moments, of lost, hurt child looks in Armaan's directions, Tanisha too walks away from the room!Confused
 
Armaan, once sure Tanisha is out of range quietly picks up the plate left by her and quickly finishes the Omelet.Wink
__________________________________________________________
SHAAM 8.30 BAJE

BIG BOSS (VOICE OVER): Yahaan Pratyusha bahut gusse mein nazar aa rahi hain aur unhone maano Sangram ke oopar humlaa hi bol diya hai!

PRATYUSHA:  Angry Bola thha na maine aaj ke baad zindagi mein Gudiya mat bolna mujhe! Himmat kaise hui aapki mujhe Gudiya bolne ki...



SANGRAM (Coughing & Choking over his words): Wacko Khaun-khaun---Ehhhun---Ehhun----Sori Gudiya, Galti se Mishtake ho gayi--- Khaun-khaun--Ehhhun--Ehhun---

PRATUSHA (Resembling fiery Maa Kaali now): Angry Phir Gudiya? Phir Gudiya?? 

PRATYUSHA BANNERJI NAAM HAI MERA! You get that? Angry

SANGRAM:Disapprove Ehhhun--Ehhun-Khaun-Khaun! Wo main keh raha thha ki---

PRATYUSHA: Kya keh rahe thhe? Jaldi bolo! Mujhe koi baat naheen karni hai waise aapse!!! Kya keh rahe thhe?

SANGRAM: Wo Gud--Gud--

PRATYUSHA: Angry Phir se? Phir se???

SANGRAM: Blushing Nahin, Nahin, Nahin Nahin----Jubaan katt ke gir jaaye meri jo phir kabhi aapko Gudiya bolun Gudiya----oops...Sori-Sori! BlushingMain toh ye bol raha thha ki Gud bhi ganne se banta hai Ji, Cheeni bhi ganne se banti hai...from Shuggar-Kain you know!----Gud ke bade faayde hain ji, Cheeni ke bade nuksaan---Gud---Gud--Pratyushha Ji!---Ehhun-------Ehhun---khaun--khaaun--- Confused

PRATYUSHA: Apna Krishi Darshan gyaan apne paas rakhiye! Hunnhhh!

BIG BOSS (Voice Over): Gusse mein payr patakte hue, Pratyusha yahaan se chali gayi hain, aur Sangram? Sangram ki woh haalat hai jaise beech baazar mein inke Paayjaame ka naada toot gaya ho!Ermm
__________________________________________________________
RAAT  12.30 BAJE

BIG BOSS (VOICE OVER):  Ghar ke anya sabhi sadasya gehri neend mein hain. Magar koi hai jo baahar Garden area ki kursi par baitha hua hai aur ghar ke saamne waali, oonchi deewaar ko dekhte hue, khud se baatein kar raha hai!

GAUHAR (Sitting in garden chair, blankly staring at the high wall in front---Husky sobs interrupt her dialogue): Confused Kyun Babu, kyun?---Isi deewaar pe chadh gaye thhe naa tum Babu?---(Sob--Sob---Snifff)! Kya zaroorat thhi Andy ki gardan dabochne ki Babu?---Uske liye main kaafi naheen thhi kya?Confused----Akela chhod gaye mujhe in zaalimon ke beech Babu! ---Sob---Sob---Snifff! Snifff! Subukkk!Cry

From the other side of the wall, a drunk man's voice can be clearly heard and gets louder by the minute. He is stammering as he speaks!

KUSHAL: GG-Gau!---Bb-Babu Main hoon yahaan!Ouch----GG-Gagg--Gau! Ouch ---Mm-Main kk-koshish kar raha hoon Dd-ddd-deewaar pe chadhne ki------ye...bb-bouncers nne pakad liya hai mm-mujhe yaar! ----Chh-Chh-chadhne naheen de rahe ye kkConfused---kkk-kameeney!---Kuchh kar GG-Ggau!-----Mar jaunga main tere bina!!!Ouch

GAUHAR (Slight confusion on face, weak smile on face): Shocked Koi kisi ko Ishq naa karwaaye Mere Khuda -----Deewaanepan ka aalam hai ye, Ki tanhaayi mein bhi Babu ki aawaazein sunaayi deti hain humein!!! Confused  


With sad expressions Gauhar gets up, slightly jerks her head and walks inside to her bed!Confused
__________________________________________________________
RAAT 12.40 BAJE:

BIG BOSS (VOICE OVER): Bigg Boss ke ghar mein aaj, Kisi ne kisi ko kar diya Dafa, toh koi ho gaya kisi ke Gudiya bolne se khafa! ----------------Koi kisi se milne ke liye kar raha thha baahar se Jatan-----aur kisi Pyaar mein ghaayal Insaan ne, Samjha ise sirf apne Mann ka Waham!Confused

JHELTE RAHIYE YE MANHOOS PROGRAMME-----

--------------------------------------BIG BAAS! DeadDeadDead

2 comments:

  1. This is amazing funny. hehehe

    ReplyDelete
  2. Oh my God. I died laughing. Cruiser ji, you are great. haha

    ReplyDelete