Tuesday 25 December 2012

Classy Shero-Shaayri of Rajeev Paul & Vrajesh Hirjee-UNDEKHA ACTION

UNDEKHA ACTION LAST WEEK-CLASSY SHERO-SHAAYRI!Clap

BIG BOSS (Booming Voice): Rajeev aapne aksar kaha ki aap ek Bhaavuk insaan hain, Shero-Shaayri, Kavitaayein aapka Shauk hai. Kya ye baat sach hai?Shocked

RAJEEV: 100%! Sau Pratishat sach hai Big Boss.Embarrassed ---------------- Mera toh yahaan tak maan-na hai Big Boss ki Jo insaan bhaavuk naheen, jiske dil mein ek shaayar naheen wo, ek tarah se Insaan hi naheen hai BigBoss!Shocked

BIG BOSS (Coughs hard): Vrijesh. Aksar ye dekha gaya hai, ki aap bhi kavitaon mein baat karte hain---Shocked

VRIJESH (Addresses his neighboring empty space): Pratipaad, tum shaant baitho, Big Boss humse baat kar rahe hain!

BIGBOSS: Ye jo aap baar baar PRATIPAAD-PRATIPAAD kehte hain, kaun hai ye Pratipaad?Ouch

VRIJESH: Meri baahar ki aatma hai Pratipaad BigBoss. Big smile Ek mere andar hai aur ek baahar---Pratipaad baahar, Prabhupaad mere andar---(foolishly grins)'hehe! Hehehehe!Big smile

BIGBOSS (Angrily): AngryAb aur paad maarna band keejiye aur tameez se Big Boss ko batayiye, aapko KAVITA KA SHUAK Angry---- bachpan se hai kya?Angry

VRIJESH (Scared voice, dumb looks, folds hands and): Bachpan se toh naheen jawaani se hai Big Boss. Haan---Jawaani se hai. Sirf Kavita ka naheen, Sangeeta , Roshni aur Chandni ka shauk bhi hai.  Chaaron accha naachti hain, Chembur ke Chandni Bar mein!Geek


BIG BOSS (irritated): Rajeev, Big Boss chaahte hain ki, aap apni koi dil ko chhoo lene waali kavita sunaayein.



RAJEEV: Ji Big Boss. Shuru Karoon?

BIG BOSS (Irritatedly): Angry Aap chaahte hain Big Boss pandit bulakar Muhurat nikaaklein? Angootha choosna band keejiye aur kavita sunaaiye!Angry

RAJEEV: Sorry Big Boss-----Big Boss ye wo chand Dil ko chhoo lene waali lines hain, jo maine tab likhi jab Sayantani aur Aashka mere peechhe-peechhe daud rahi thhi-------dekhiye, kitna naazuk mera dil hai aur kaise woh aksar toot jaaya karta hai:Broken Heart
"Aaati Thhi Jaati Thhi, Hansti Thhi, Hansati Thhi
Bhaagti Thi, Bhagaati Thhi, Sunti  Thhi, Sunaati  Thhi
Par Aaj Pata Chala Ki,  Voh Dono  Mujhe Rakhi Bandhana Chahati Thi."'(gets emotional and wipes a tear)!Cry

A brief pause of 3-4 seconds and from somewhere a shoe comes flying and hits Rajeev on his left shoulder'SMACKKK!D'oh

RAJEEV(In agony)---CryAaargghhh---Big Boss, ye dekhiye, bad-tameez Kashif. Shero-Shaayri se koson door, bewakoof insaan joote fenk raha hai chhup-chhup ke!
BIG BOSS (Still sounding irritated): Angry Vrijesh, aap kucchh sunana chaahenge?
VRIJESH (in his Pagloo Style):  Big smile Honth jab Honth se mil jaayein toh kya hota hai? ----Arey arz kiya hai ki Honth Jab Honth se mil jaayein toh kya hota hai?-----Arey gandi soch waalo, aadmi ka munh band hota hai, aur kya hota hai?--------TOKKK  (smacks his tongue against his upper mouth wall and comes up this annoying sound)! and foolishly grins-hehe-hehe Big smile
A shoe comes at missile's velocity and smacks him on his left cheek'thhhaaakkk!
VRIJESH (Crying in pain):Cry Aaahhh! ----Mar gaya Re-----Haaaye!------Kashif naheen Rajeev bhaai, ye Niketan hai---haaaye-----shhh----ufff-kameena----haaaye!---Dekho 9 Number ka Joota hai---Kashif ka toh paon bhi chhota saa hai re---aaahhh!'Haaye! Haaye!!!Cry
RAJEEV (Siezes opportunity): Big Boss , ye chand panktiyaan maine tab likhi thhi jab Delu se pehle, main ek Kalawati naam ki ladki ka deewana thha! Pyaar se Kelu bulaata thha main usko---KELU! Cry -------Ye maine khaas, apni Kelu pe likhi thhi Cry-
"Humaare Jawaani ke din Gham se Bhar gaye----
Wo muskurakar, beygaani Doli mein Chadh Gaye!
Pyaar ka izhaar karne mein hum, Kucchh deri kar Gaye!
Aur Meri Pyaari Kelu ke Haath Peele Ho Gaye!"
(Starts uncontrollably sobbing!)Cry
VRIJESH (Super Excited): Meri Suniye, Meri Suniye, Meri Suniye----
Arz kiya hai ki,
"Jheel ke kinaare-baitha thha tanha-tanha!
BigBoss, Jheel ke kinaare, baitha ta tanha-tanha-----

BIGBOSS (Rudely): Aage Vrijesh?Evil Smile

VRIJESH: Big Boss Daad chaahoonga aapse-----------
ki JHEEL KE KINAARE BAITHA THHA TANHA-TANHA-------------
(LONG 15 SECOND PAUSE)------POTTY BHI NAA AAYI 2 GHANTE MUJHKO!---TOKKK!!!---Kaisa hai?? Hehe! Hehehe??Big smile
Smackkk- a trouser lands on Rajiv's face and belt buckle smacks him on right cheek and as if almost immediately, a Calvin Klein Underwear engulfs Vrijesh's face completely!Ouch


RAJEEV: CryOucchhh!---Haaye!! (Belt buckle wraps him on temple and he loses consciousness)!

VRIJESH: Cry Ufff!---Arey Pratipaad, ye itna bhayanak badboo waala kacchha kiska hai? Ufff! Niketan kameene-------Mar gaya Re Mori Amma-----Ufff---Chhheee---Thhooo----Thhhooo! Ufff ye badboo----ye Baas---Mar gaya re Big Boss----(Faints)!

BIG BOSS (BOOMING VOICE): Angry Creative Team se Rahul aur Armaan---Big Boss ke Niji kaksh mein--- fauran--- ek Crocin ya Saridon ki Tablet aur Ek glass paani, lekar aayein!----------Technical Team-A ke Rashid aur Sunanda, aap fauran Sahara Mega-Mall jaayein aur Ek Jockey ya Calvin Klein ka  underwear-size 95 Centimeters, Ek Allen Solley ya Van Heusen ki Kaali trouser waist size 36 inches, length 42 Inches  aur Hush Puppies ke ek Jodi kale joote, size 9,  jaldi se jaldi Bhijwaayein!----------------Big Boss ke Sir mein bhayaanak dard ho raha hai aur Big Boss, poori tarah Nange baithe hain!Angry-----------(Sound of a clap is heard)---Neem ka tel (Oil) aur ek ALL OUT ka bhi intezaam kiya jaaye, yahaan Macchhar bhi hain----ufff---(CHATAAK)! AngryDead
************************

No comments:

Post a Comment