Fun-opsis Day 31-Radhey in Big Boss House Episode!

***********************************************************************************************************

Fun-opsis Day 29^th
Subah 09.45 BAJE

BB VOICE OVER: Subah subah ghar waale ascharyachakit reh gaye,jab unhone bageeche mein Radhe Tote (Parrot)  ko dekha.
Sana, Aashka Tote ke saath 15 minute baatein karke aur Aaauuu Chho Chweeet, Mela Paala Cutu jaisi original aawaazein nikaal kar andar jaa chuki hain. Ab  Vrijesh Hirjee Radhe se baatein kar rahe hain!

VRIJESH (Pagloo accent intact): Hey Swami, kahaan chhuppe thhe ab tak aap? Macchliyon se baatein karte karte Macchli jaisi shakal ho gayi hai Swami'kahaan thhe Swami?

RADHE: Tujhe sab pagloo kehte hain naa?
 


VRIJESH (Taken aback): Haan kyun?

RADHE: Radhey ko Swami kehne waala Pagloo naheen toh aur kya kehlayega, hehehehehe! Hehehehe!-------------------Accha sun! Bura mat maan. Ek question hai! Maan le tu aur main, zameen se 20,000 feet oopar, ek aeroplane mein hain. Tera gala sookh raha hai aur tujhe paani chaahiye. Kya karega?

VRIJESH (Thinks hard as if he has to crack a tough algebra theorem): Ek second---Hmmm-airhostess se request karoonga ki can I have some water please?

RADHE: Par main zor se,gusse se chillaunga O Kameeni, O Chhicchori, O lucchhi, ek large Peg whiskey ka de'IMMEDIATELY! -----Accha sun, maan le wo mere liye whiskey le aayi, but tera paani naheen laayi phir kya karega?

VRIJESH (Rolls his eyes upwards and): Ek second----Main bhi gusse se bolunga O Kameeni, O Chichhori, O Lucchhi, Ja paani le ke aa------Shaayad, wo yehi language samajhti hogi Radhey!

RADHE: Wo security crew ke saath aayegi aur hum dono ko plane se baahar phinkwa degi!---Jaanta hai main tujhse kya bolunga?

VRIJESH (Buddhu expressions): Naheen, kya bolega tu mujhe?

RADHE: Neeche girte hue bolunga, Abey PAGLOO, O Paagal Vrijesh Hirjee, UDNA NAHEEN AATA THHA TOH PLANE MEIN GAALI KYUN DI BEWAKOOF? Hehehehe! Hehehehehe!


SHAAM 8.30 BAJE

Yahaan Sampat ji rasoi mein akele khana bana rahi hain, Urvashi hamesha ki tarah Razai mein leyti hui hain aur har paanch minute mein ek baar, Chhuchhoondar ki tarah honth ghuma rahi hain! Aashka shaam 04.30 baje se, aur Delnaaz subah 11.30 baje se, Make up kar rahi hain. Sana, Tushhar Kapoor ki tarah Gaayab hain aur Niketan-Sapna, aangan mein Salman-Mallika bane hue hain!



Sampat akeli, apne aap se badbada rahi hain!

SAMPAT: Big Baas, mere ko aap ki baat kattayi samajh naheen aati Big Baas! Itne din se hum roz khicchdi bana rahe hain-khaa rahe hain(sob-sniff). ------------- Hum ko toh kucchh samajhhayi nahin aata. (sob-sob)------------------Ab aaj itna hafton ke baad ek murga bheje ho----itne logon ke liye siraf ek Murga? Kaa banaayein, kaa khaayein?------------------Mere ko  toh aap nikaal hi do ihaan se Big Baas!

RAJEEV (enters):   Aah-haa--Kya baat hai Maata Ji, kya bana rahi hain? Badi zabardast khusboo aa rahi hai---

SAMPAT (Angrily): Maata ji naaheen kaho. Tum bayaalees (42) saal ke ho, hum Ikaavan(51) ke.8-9 saal mein paida naheen kar sakte thhe hum tumko'.

RAJEEV: Sorry-Sorry Maa---Beh--------Behh-------Behanji-----Banaya kya hai?

SAMPAT: Arey banaae kaa hain, roz ki tarah Khicchdi hai, Baingan hai aur ek murga Big Baas bheje, ooko pakaaye hain'.

RAJEEV (looks around and whispers): Mata Ji, ek murga, itne logon mein? Kya haath lagega. Hum dono khaa lete hain naa chupchaap.

SAMPAT (looks around if anyone is watching-assured no one is, she jumps on Rajeev, smooches him to concur her agreement and): Chalo------------khaayi  lete hain.
Both are having dinner now.

RAJEEV: ummm---wow----aapke haath mein jaadoo hai maa-----beh-----behan ji. Wow, itne din baad lag raha hai ki kucch khaa raha hoon---wow-delllicious

SAMPAT(smacks her lips): ehhh! Majaa aa gayakasam se.

SAPNA ENTERS THE SCENE

SAPNA: Arey waah Maata ji'itna delicious aroma---wowww------------(takes a look at floor)----Ye---(pause)---feathers?

SAMPAT: Arey uuu khidki pe Murga baitha raheen---hum du baar pakadne ka kosis kiye haath naheen aaya---phir hum dhoti utaare---aur jhapatta maar ke chaanp diye sasura ko -----murga ka tentooa  daba ke mundi ghumayi diye ooki----safaayi kiye, phir paka diye!------Tum chinta naa karo, hum pankh-vankh saaf kar denge!

SAPNA (Screams): Saaf kar denge, Saaf kar denge? Jaante ho kisko maar ke cook kiya hai aapne? RADHE KO! Ye dekho uska blue-blue feathers!------O my God-----.crazy woman! ------I hope PETA hauls her up, DISGUSTING! Yuckkk, Yuckkk!




SAMPAT: Radhey? Kaun Raadhe? Kahaan Radhe? Mere ko to kucch pataa hi naheen chalta! '..Raajeeb, O Rajeeb---Hey bhagbaan---tabhi hum soche rahe itna chhota murga kaahe bheje Big Baas! ----Rajeeb?? O Rajeeb!!

Looks down-Rajeev is lying on floor,completely unconscious!